政治於我（一）續

　　由於我未有咁快寫我的政見（二），但又希望對上一篇我的政見作出新增嘅補充，所以今日寫左呢一篇政治於我（一）續。琴日睇左一份中大香港亞太研究所關於「香港和諧社會」嘅民意調查，並且結果顯示出香港唔係和諧社會。

調查結果：http://www.cuhk.edu.hk/hkiaps/tellab/pdf/telepress/10/Press_Release_20100408.pdf

相關新聞：http://hk.news.yahoo.com/article /100408/3/hejj.html
　　　　　http://hk.news.yahoo.com/article/100408/4/hehk.html

　　正如我的政見 (一) 中所描述，香港政黨政治二元化，市民生活係一個被二元政治所濃罩嘅城市入面，實在難以獨善其身。相關紛爭不斷，市民紛紛投入兩派當中，有啲支持建高鐵，有 啲反對；有啲支持五區公投，有啲反對。近來張宇人張廿蚊事件，亦突顯左富戶及貧民嘅分歧。所謂公說公有理，婆說婆有理，有啲事情根本不可能有正確答案，然 而二元政治偏要向難走，你一句我一句，互不相讓，令事情惡化，呢個就係我地香港嘅議會文化。民眾終日沉浸係相關紛爭當中，本來漠不關心的亦慢慢變成是非 者，首先評論事件嘅是非，繼而與人討論時為維護自己嘅睇法而與人爭辯，最後以過激嘅行動黎突顯個人諗法。本來參與政治討論係好事黎，可以清楚時事、可以擴 闊眼界、了解唔同諗法及難處 ...... 好處多不勝數。可惜，部份人不免主觀性過強，人地講嘅野聽唔入耳就索性忽視，完全放棄分析唔同立場背後嘅論據，最後得出一個唔清唔楚嘅答案。

　　有史以來，世界就已經唔係二元，唔是非黑即白，中間仍然夾雜住灰、彩，只要有能力將色彩分成六十億份，每一個地球人都可以擁有自己獨一無異嘅顏色，更何 況係諗法？

　　眼見現今特區政府不論管治威信定係施政能力都每況越下，其實成因亦有部份歸於二元政治。當兩派政見唔同嘅黨派為左某一政策 爭持不下，決議一拖再拖，本身利民嘅政策亦慢慢變得過時失效；市民期待已久嘅政策被一旦否決，市民當堂對政府失望。咁就係政治？另一方面，高官態度軟弱， 政策朝令夕改，十年前母語教學雷厲風行，今日政策變相回歸當年，咁兒嬉嘅政府又點樣令人可以信服？眼見當下民間訴求，高官但求不做不錯，如此官僚作風又點 樣令人民信賴？官員作風保持，寧願依照古方落藥，都唔願為病對症下藥，又或開創新方，又點令香港帶領潮流？記得陳旭老師講過，學如逆水行舟，不進則退，其 實站於國際舞台上嘅香港咪又係一樣！最近成日聽人講話上海將要取代香港，成為中國嘅金融中心，只不過係因為上海求進，香港求守。成日話香港獅子山精神「逆 景自強」，難道就係「順景唔強」？

　　但如何改善現今香港？方法係有，但十分冒險。一係大敗，一係大勝，因為太過爭議，所以不便打出。