最近生活

　　好耐未講及過我嘅近況啦！

　　記得係六月頭我仲做緊地產，後來因為拍左拖令自己嘅時間、洗費都突然用多左好多，靠份底薪根本冇可能陪到另一半出街玩，為左可以帶比另一半更多、令另一半更開心，毅然決定放棄繼續挨做地產仔... 今日，已經係我第二個星期返新工啦，呢份工人工唔係特別高，但至少叫做可以想買咩都買到，工作時間唔長，朝十晚六、準時放工，但最遺憾係已經得返自己一個人。

　　記得上月 18 號晚，返到屋企解開條錬時條鍊突然斷左，然後就一直放左係個櫃度，前幾日，我將條錬修理返好，但就冇再戴起過佢，或者係因為冇勇氣、或者係因為冇資格。記得當初送條錬比佢時我猶豫左好耐，而最後都係送左，因為我相信佢對我真心，但我仍不厭其煩同佢解釋點解我會送條錬比佢。只可惜結果往往強差人意。

　　或者，就讓月舞到此為止。

　　返工的第一個星期，我要接手舊人嘅日常工作，同時亦要根佢去巡一次公司旗下所有車場，識下公司嘅員工，感覺都頗新鮮。第二個星期，舊人正式離開左公司，奔向佢嘅將來，而我就要 handle 返晒佢所有野... 每日收數報數 check 數入數、因應唔同車場嘅需要要作出唔同安排，解決唔同問題等等。或者可以叫做由管理、人事、營運工作我都要一腳踢。舊人一走左就左就將佢本來凌亂嘅枱面執返好晒，然後就去百佳買左一大堆零食放入我櫃桶度 -.-" 公司一切都還可以啦，但都仲有兩點我係好接受唔到囉！第一就係部電腦太慢，開個網頁要 load 20 秒，但我個女同事竟然話冇問題啦 =.=" 第二樣就係啲文具嘅問題，公司幾乎所有文具都用大陸野，用起黎感覺勁差！逼迫我帶晒自己返學時啲文具返工 -.-" 仲有樣野幾搞笑，有次我入數，咁我入數啲錢就習慣用橡筋紮住。個銀行職員首先就解晒啲橡筋去數錢啦，數完之後就想用返啲橡筋紮返實啲錢放入櫃度啦，點知因為我地公司所有野都係用大陸野，質素奇差，啲橡筋都特別易斷！個職員一拉就斷一拉就斷，斷左二三次後嬲左，將我啲橡筋掃晒落垃圾桶度，用私伙野=.=" 諗起佢個樣都幾有麥仔發脾氣飛粉筆 feel！

↑執枱前

↑執枱後

　　份工辛唔辛苦？其實都真係唔算辛苦囉 =.=" 最少做得開心過返地產好多！

講返起地產... 今日舊時個同事打錯電話比我，同佢傾左幾句... 話說佢就比我細 2 年，由5月頭就已經開始返緊工... 同佢傾完知道佢到宜家仲未開到單，食緊老底 =.=" 其實 ... 我早走左係咪好事黎呢？如果我今日仲做緊地產，我又開唔開到一張單呢？定係會因為開唔到單比人小左幾鑊？真係唔知！

　　另外，上星期出完街返屋企時見返個舊朋友，一個好舊嘅朋友，計返都最有六年冇見過啦！突然有晚就係我買完 M 記返歸時撞見返佢。高左，大份左，就係我對佢嘅第一感覺，蒼桑左，應該就係第二感覺，但當佢一開口先發現佢內心轉變唔大，佢仍然係佢。

　　或者呢個世界就係咁，有緣就算分隔二地亦會再次共聚，無緣就算一齊得到都好快分開，或者唔需要過於為自己找尋下一個，如果有緣有份，下一個於下一秒就已經會係你身邊出現，一切最後亦要依靠命運安排。

我專一嗎？

　　今日係Facebook上見到一個叫「感情專一人的特徵」嘅test，我又無無聊聊去玩左喎！我結果係點呢？

感情專一人的特徵
●：同意　　　○：不同意

01. 自己走路會很快 ●
02. 喜歡黑夜，習慣晚睡 ●
03. 隱藏心事，喜歡一個人流淚 ●
04. 喜歡有口袋的衣服，否則不知道手該放哪裡 ○
05. 習慣抱臂 ○
06. 習慣冷戰 ●
07. 喜歡窗戶，喜歡角落、習慣蜷縮 ●
08. 喜歡寫字和閱讀 ●
09. 莫名地孤單，無法抗拒的恐懼感 ●
10. 不愛說話或很愛說話 ●
11. 心事放在心底，有一個自己的世界 ●
12. 把笑掛在臉上，幻想自己是有安全感的孩子 ●
13. 習慣了沉默，在沉默中爆發或者選擇滅亡 ●
14. 習慣了懷疑，卻總是要把人往好處想 ●
15. 不相信童話，卻一直期待會有個真正懂得自己保護自己的人出現 ●
16. 喜歡懷舊，之後感到深深的寂寞和恐懼 ●
17. 不喜歡一個人逛街可又總是一個人逛街 ○
18. 一點點事就胡思亂想，想到戲劇般的嚇人 ●
19. 喜歡聽慢歌，傷感的歌 ●
20. 會很用心地記下生命中出現的每個人 ●
21. 習慣暗戀，愛上一個人會全心全意 ●
22. 坐在電腦前，不知道做什麼，卻又不想關掉它 ●
23. 覺得世界上每一個人都不可靠，但卻還是那樣地選擇相信別人 ●
24. 偶爾會有種想消失，或是想一輩子沉睡的想法 ●
25. 不喜歡等待，卻總是等待 ●
26. 經常不經意的發呆 ●
27. 習慣活在過去，喜歡懷舊 ●
28. 總會把事情想得很長久 ●
29. 不習慣一個人莫名其妙地消失在自己的生命中 ●
30. 總是覺得沒有人能把自己放在心裡疼 ●
31. 容易滿足，更容易受傷 ●
32. 喜歡傷感，甚至頹廢 ●
33. 習慣保留自己，因為只有這樣在離開的時候，心才不會痛 ●
34. 總有一種，被忽視的感覺 ●
35. 看似花心，看似膚淺，其實是在保護自己 ●
36. 付出的遠遠超過得到的 ●
37. 很固執，不懂得放棄，但一旦放棄了就絕不會回頭 ●
38. 總是說著要離開，卻一再為自己找不離開的理由 ●
39. 在別人面前笑得很開心，一個人的時候卻很漠落 ●
40. 在陌生人面前很安靜，在朋友面前胡鬧 ○
41. 玩網游只是為了打發寂寞 ○
42. 喜歡下小雨時淋雨 ○
43. 並不是追求太多的回報，只要一點點就可以讓我死心塌地，可以很少，但一定要有 ●
44. 心情不好的時候，卻喜歡聽悲歌 ●

命中率 = 38/44

　　哈，身邊大部份對我認識唔深嘅，都會不約而同地認為我係一個花心、用情不專嘅人，但佢地根本完全唔了解我；又有一部份，同我識得耐，間唔中又會傾下計，講下大家近況嘅朋友就會話唔了解我，唔知我係一個點嘅人；最後，有幾位朋友，我曾經問過佢地覺得我係專一定花心，佢地話睇下我同咩人啦！我只可以講後者先係了解我嘅朋友。 =]

唐山大地震

　　唐山大地震，曾經係我中六時第一本為中化卷五而做嘅閱讀報告。由於當時我並未有細閱呢一本書，所以對呢本書嘅感覺唔深，更未有諗過地震為人帶黎嘅痛究竟有幾大。今日睇左唐人大地震嘅電影版，感覺深左，漸漸感受到自然災害為人類帶黎嘅痛。

　　錢鋼寫嘅唐山大地震，先講地震前唐山附近動物嘅怪異現象，然後再講及地震帶來嘅破壞、人嘅求生慾望、不同人之間嘅守望相助、衛生問題、遺孤嘅安置及最後論及國家地震局對事件處理嘅問題。而電影嘅唐山大地震對地震前、後所發生嘅一切只不過係輕描淡寫，更著重嘅反而係對地震中一對兄妹嘅分離、成長、發展，最後重聚呢一個嘅過程。或者就係咁，電影被嘅唐山大地震比錢鋼寫嘅唐山大地震更重人情味。

　　雖然幾乎每年總有一兩宗海嘯、地震等死傷數以十萬計嘅新聞，報章亦有大示標題呼籲為救災民慷慨解囊，但香港人始終對災難少左份切身處地之感。對於一般香港人黎講，巨型災難係一件遙不可及嘅事黎。係香港最多咪多打幾個風、多幾場火災、多幾場瘟疫姐，死傷點都唔過萬。或者就係咁，令香港人對自然災害少左份「認識」。對於災難，香港人只係以一個同情者嘅身份去幫助災民。

　　然而，電影中嘅一對兄妹曾因為大地震而險入鬼門關，佢地知道地震嘅可怕。最令我反思嘅係當家姐見到新聞報導講及四川大地震嘅時候，佢不安、惶恐、喊，然後立即提出要去災場幫助災民。

　　另外，呢齣戲都有樣幾得意嘅地方，就係佢真係將當時嘅生活盡量向觀眾展示左出黎。電影中雖然由頭到尾都冇提及過毛澤東，但毛澤東呢個名字卻處處可見，或多或少係表現出當時百姓對毛澤東嘅盲目祟拜。另外，佢地除左個電話以外，亦盡量保留左當時真實嘅日常用品如：電風扇、車、課本等，搞到連我呀媽睇完都諗返好多舊時嘅野 = =

　　最後，我比呢一齣戲 75 分。值得去睇 =]

分開兩星期的感想

　　終於開始慢慢醒覺，你並不屬於我。

　　分左手恰好兩星期，或者根本唔應該用分手二字，因為呢兩隻字我地由頭到尾都冇用對方講過。分開嘅頭幾日，時時刻刻都諗住你，好彩嘅係我仲有一班朋友支持緊我。果幾日過左後，生活回復當初嘅平淡，以為從此以後對可以將你放低。然而，呢幾日我再一次諗起你，感覺比當初分開時更強烈。

　　其實都好可笑，相初都未夠了解對方，大家已經一齊左。直到果一日嘈完之後，我先至開始嘗試去了解你。其實一諗到呢度真係百感交雜，身為男朋友，無盡力去支持你嘅目標，甚至亦忽略左佢係你心目中嘅重要性；唔了解你個性；冇試過去接觸你最心底嘅領域，只係獨孤一味的想氹你開心，比到開心你，但就忘記左每個人對開心嘅定義亦有所不同。只可以講，我呢個男朋友做得亦算相當失敗。

　　呢兩日問緊自己一個問題，就係點解19號果日對你未有挽留呢？回想當日，我聽完你心中嘅牽掛之後，我呆左，因為你嘅牽掛恰好就係另一位Leo之前叫我留意嘅野，然而我對你太唔了解啦。之後亦完全諗唔起可以挽留，只係識得講「我送你返去先啦」呢啲說話。最神奇嘅係，果日Kaspar陪完我散心後，我獨自返到屋企，當我除低我地條鏈時，條鏈就斷左啦 ...... 係巧合定係命運呢？

　　記得之前，每一次抱你時總會聞到你身上面嘅獨特氣味，開始時真係有啲覺得唔係太習慣，但後來同你抱多左反而覺得幾香，然後更加愛上左果一陣味。因為果一陣就係月舞嘅氣味。只係宜家再想聞都冇可能再聞到啦 ......

　　哈，其實酒店果晚真係好難忘，我竟然會先後對住一個唔識嘅人同埋你哭訴...... 過去，我就算喊我亦都唔會比人發現，但今次真係忍唔到 ... 仲記得果晚你幫我將我亂放嘅衫褲放好，係我沖涼前又主動拎衣架比我放衫，呢啲小事反而係我一生中最追求的事。只係 ...... 果時我個心太亂啦，我從未試過個心咁十五十六，只係知道係時候要同你講下大家嘅相處問題 ......

　　15號當日，我做左我畢生最愚蠢嘅事。當晚你捉住我隻手叮嚀我返去時要小心啲，果下我先發現果個 sms 我 sd 錯左。對唔住... 我甩開你手只係因為唔想你再一次見到我喊 ... 就係一轉身果下，我已經流緊眼淚啦 ...

　　自兩星期前開始，身邊多左好多人，自己亦有去識過人，但識嘅人越多，越係對你放唔低，因為發現你係咁多個入面最能夠令我動心果一個 ......

　　宜家嘅我可以做啲咩呢 ...？一直希望將自己變成一個完美嘅男朋友，點知越做越錯。或者，對愛情，我仍然太過無知。或者，我根本不配擁有你。

戀空

　　之前一直聽你提起戀空呢一齣戲，但我就一直都冇時間睇，但今日我終於睇左啦。如果係之前嘅我，我相信我都會覺得齣戲好感人，好欣賞女主角對弘樹不離不棄嘅一份愛。但宜家嘅我就唔覺得啦。因為咁並不能夠成為女主角重回舊男友身邊的一個借口。其實我討厭這樣的結局。

　　弘樹向女主角講過，希望死後變成一片天空，開心嘅時候就放晴，悲傷嘅時候就落雨，所以故名思意，戀空，呢齣電影嘅名已經表達出女主角對弘樹嘅愛。無錯，係電影入面，弘樹真係為女主角付出好多，雖然將女主角牽涉入幾件令女主角畢生難忘嘅事中，但弘樹未曾因而卻過步，相反對女主角比之前更加愛護，最後因自己得到絕症，唔想令女主角擔心，所以同女主角分手，獨自面對病魔嘅煎熬 ... 但我想問，so what? 唔通就因為咁，所以女主角一定要同佢一齊？另一男主角優佢對女主角唔通就未有過付出？遇上相同嘅問題，優就一定唔會有相同嘅答案？女主角未曾諗過，當佢將優送比自己嘅介子脫下時，佢對優嘅傷害就好比弘樹當日嘅所作所為？

　　更可笑嘅係，點解弘樹有問題時總係想獨自面對？當佢得知女主角有左自己 BB 時，立即就衝出左餐廳，但女主角完全唔知佢想點囉！當得知自己有病，唔通就要以 Hurt 死女主角嘅方式分手？唔逍真係只有分手先解決到問題？就係因為佢呢個「分手」嘅決定，佢深深傷害左兩個人。我只可以講，弘樹你太唔成熟啦。

　　哈哈哈！或者你真係覺得戀空好感動到你，但我仍然係比較鐘意我的機械人女友。但係係戀空中我學到左一句說話「如果呢個係我同 xoxo 嘅命運，即使今日分左手，將來某日某處仍會同 xoxo 再見」。

　　最後，我比呢一齣戲 65 分。可以解悶 =]

幾點聲明

1. 今次旅行係開心多過唔開心，而最開心嘅係識到一位可以傾到心事，又可以比到合理意見我嘅好朋友。

2. 對於今次同另一半嘅爭執，我會用在所難免黎形容。就算呢幾日唔嘈，遲啲亦一樣會嘈。而最大錯誤係用左 sms sd 左句不理智嘅野比佢。

3. 對於今次之後我同佢嘅關係依舊，又或者變差、甚至結束，我王諾希唔會後悔。我依然相信真愛係經得起考驗。

4. 既然佢要求我比時間佢，等佢可以諗清楚佢自己想點，同埋解決佢自己本身嘅困擾，身為佢嘅男朋友，我唔會怪責佢，相反係呢個時刻我會更加支持佢，做佢背後嘅男人。

5. 對於自己曾經向佢提及過佢幾點嘅問題，我係一定要佢改嫁啦，呢個立場我好堅定，因為只有佢願意改掉呢個問題，我地嘅關係先可以變得更實淨，先可以避免將來嘅問題！

6. 最後我向自己承諾，我會努力再改善自己，經過今次風波，我更加認清自己嘅問題，亦遠遠未達完美。所以我一定會努力改善自己嘅問題。

八年寧波

琴日終於 Grad Din 啦，等左咁多年或者我就係等緊呢一日 ... =)

返左一個月地產，感受非常深，因為工作嘅世界同學生嘅世界真係好唔同。最少返工係毫無牽掛、乜都唔洗驚，但返學就啱啱相反，驚呢樣果樣，一時又要做功課，一時又要測 Applied ... 我都係鐘意做野多過讀書。=)

回憶返咁多年中學生涯，始終我最回味嘅都係我中一嘅生活。

中一，1C 班 ... 我呢一輩子都唔會忘記呢一年發生過的事 ... 太難忘，一切都係最開心最快樂，同時亦係最遺憾中度過。直到今時今日，我仍然想回到過去，將過去改變，換取另一個結局 =)

中二，2D 班 ... 我咁多年來最唔開心的一年。因為之前發生過o既事 .. 身邊一個朋友都冇 ... 所有野都要自己去解決 ... 我就係呢一年變得獨立 =) 記得呢一年，一位姓蕭的同學同我講，2D 班o既人 (o既成績) 唔會咁易比人追上，2D 班o既競爭係好大的 ... 哈 !

中三，3D 班 ... 呢一年係我係寧波咁多年入面最 hea o既一年 .. 上英文堂，堂堂睇電影 ... 上數學堂就掛住同人傾計玩 .. 其他堂都唔係幾專心聽書 ... 一年來，書除左係學校有打開過以外，係屋企係未打開過的 =) 功課極少 .. 就算唔交，班主任都唔會交欠交功課名單落留堂班，變相就算欠交功課唔流留堂罰企。同時間，呢一年識到一個幾重要o既朋友 .. 少文。因為佢，我開始明白我需要改變自己。

中四，4S 班 ... 呢一年，係學校o既回憶基本上好少 ... 因為我o既圈子已經開始漸漸由學校抽離 .. 但果一年感覺最大係 4S 班o既競爭真係好大 ... 人人都好比心機識書，尢其係來自 3E 果一班人 .. 個個都有返咁上下 ... 同時佢地亦不停上堂發問 ... 呢點同 3D 真係好唔同 ... 係呢一年入面 , 我識左樂天熊 .. 如果冇左佢O既出現，今日o既我都應該仲係一個好悲觀、亦都好被動o既人黎 ... 佢完全地迫使我改變 ... 自問果一次改變，影響左我一生 ... 只可惜 ... 最後佢消失了 ...

首年中五，5S 班 ... 呢一年，我第一次真正地拍拖 =) 學校入面O既回憶變得更少 ... ha ... 呢一年，明明我冇做過野，但名次就上升了 =.=" 的確 ... 仲差少少就上到中六了。或者就係因為冇做過野，所以上天為左唔比我不勞而獲，所以要我挨多一年寧波生活啦 =)

次年中五，5S 班 ... 呢一年，因為 repeat .. 所以要同一班完全唔識o既同學一齊生活 =) 仲記得我第一日入返 5S o既班房，班房仍然比我熟悉、懷念o既感覺，但一張張臉孔已經變晒 .... 係果一刻，,我後悔點解當初唔讀好 d 書啦 / 3\" 第一次坐左係 nike 隔離 .. 因為佢，先可以令我o既尷尬感打散 =) ha .. 說真的，到果年o既尾聲我都未記得晒全入面每一個名字、每一張臉孔 =.= 就算係街邊見到同學，佢唔 hi 我，我一定唔會知同佢讀過同一班 =.=" 唉 .. 可見其實我對班真係投入不大 = ( 會考前，終於立下決心分手 =)

中六，6S 班 ... 呢一年，開頭真係幾用心去改變自己o既，可惜始終堅持不了 ... 明明表面上o既自己已經唔係最真o既自己，然而再要我加多一層面具，我更受不了。最後，慢慢裹出返學校呢一個圈子 ... ha .. 係呢個 moment 先發現，原來我另一個圈子已經發展得好成熟 =) 多左好多好多好多好朋友 ..

中七，7S 班 ... 自己嘅心態同中六啱啱相反，變得好hea ... 或者就係中六 App Maths 嘅一次0分，令我放棄晒吧！另外，自知冇可能入到政政，被迫只可以入 engineering，變相又要讀多四年 App Maths、Physics =.=" 咪搞 !! A-Level ... 我成日同我啲朋友講，我應該係全港咁多 AL 考生入面，最 hea 果個黎 -.-"

另外，係寧波o既我始終都唔係最真o既我 .. 有人感覺我係一個好好脾氣o既人，覺得我比人玩極都唔會點 .. 我可以講呢一 d 人錯晒 =) 只要識得我耐o既人就會知 .. 我試過係寧波打人打到人流血 -,-" 我之所以冇乜野咁係唔想搞咁多事出黎煩自己，唔想令本來已經討厭的學校生活變得更討厭 =) ha ~ 但係返學的最後一個月 .. 不知不覺都容許左自已係學校發脾氣 .. 畢竟已係最後的一小段時間，唔想再扮好人了 =)

同時，亦有人會覺得我成日講 kai 野、做 kai 事，好似想比人打咁 =.= " 事實上，但咁樣做，我又可以做 d 咩呢 ? 我始終覺我係未有出頭機會o既時候，做愚者係最理智o既選擇。我鐘意政治、鐘意時事、鐘意相對論 ... 除左前者有時可以同同學吹下之外，我諗其他都冇咩機會同人傾啦 =) 不過都幾開心o既，有幾個同學都願意同我傾下時事o既野 =) 畢竟係香港開心時事o既人真係太少 ... 好似上次咁，同人爭辯高鐵爭得太大聲，竟然比某人話嘈 .. 講真，我當時勁想爆粗鬧佢 =)

驚喜的六月

好耐都冇打呢個 Blog 啦 =( 呢牌日日返工真係好忙 .. 前牌畢業禮好慘，比 Ms Kong 發現我染左髮冇得上台影相 -.-" 好彩最後都影到班相姐 -3-" 不過真係早知會比人歧視我寧願唔返 =.= 星期日返工見到有個乜野愉美人選美比賽(即係師奶or耆英選美比賽) .. 見到黃夏蕙都參賽 -.-" 成班呀姑又跳又唱咁，笑死左=.=

2010年6月7日發生左件大事 .. 就係小弟終於拍拖啦 xD 等左2年幾，終於搵到一個我鐘意佢，佢又鐘意我嘅人啦>__<"等左咁耐就係等緊呢日!!

↑好掛住係 Yoho midtown 嘅朋友仔呀 =(

↑5月25日起 ... 去左紅磡 Sell 名城貨尾=3=

↑紅磡體育館~ 上星期日日見到啲人著DNA 之去去睇五月天 concert =3=

↑讀左咁耐書都未去過 EAA .. 今次去竟然係因為報考地產牌-.-
但唔知呢行我會做幾耐呢?

↑幫主人看野的狗-3-"

返地產=P

哈 .. 不知不覺原來已經返左一星期地產啦！希望快啲開到單啦 ＞w＜

↑首三日返工地點.. 新元朗中心~

↑Yoho Midtown~ 我就係做緊呢個盤=.=

↑Yoho Town 三期地盤

↑元朗街景

↑元朗街景

↑元朗街景

↑太子翠峰廿八.. 絕對係物非所值.. 8xxx/平方呎囉=.= 咩人會買?

最近三日我就係呢度搵客-.-

↑今日影.. 大雨爆囉！不過因為呢場雨有得早收工 =p

↑知唔知乜黎-.-？

返呢份工真係好辛苦，日日企到人都癲！不過為左首個五年計劃，我幾辛苦都要挨落去呀！不過呢份工又真係幾新鮮嘅，因為要著晒成套老西返工 =P 原來我著老西都見得下人嫁 xDD

香港足跡 =)

前幾日同個朋友仔去左銅鑼灣陪我見工 ... = ="" 見完工之後就發晒癲周圍 hea =0=" 而今日就正正式式考晒 A Level 啦 =))))) 我終於唔洗再做學生啦 >"<

↑個呀姑話唔比我影... 但一樣比我影到 =.=

↑人來人往 -3-"

↑車水馬龍

↑藍藍的.. 會展中心

↑被污染的維港 =(

↑大力士拉閘 @@

↑搭船過海=v= 都好少係灣仔搭渡輪

↑考完UE Oral 回程時影的 =3=

軒轅劍有感

　　今日終於正正式式的爆晒成隻軒轅劍伍外傳雲之遙啦 ＞﹏＜ !

　　雖然今次蘭茵篇嘅出版公司話可以呢個篇章可以玩到十六個鐘，但我用左十個鐘就爆左啦！我係咪好叻叻呢 =P 不過今個篇章真係正到爆！！！平時我絕不講 Game 嘅 Blog 都要忍唔住講下軒轅劍！


↑軒轅劍外傳雲之遙宣傳動畫

　　軒轅劍伍外傳雲之遙係今年一月上旬正式開售，不知不覺呢一隻 Game 已經存在係我部電腦已經四個月有多啦。記得一月果時係我最失意嘅時候 … 而呢一隻 Game 恰好就陪我挨過左果一段時間。更不可思議嘅係，我考 mock 期間都有玩呢隻 Game @@ 同學們日日係度咆書嘅時候我就打緊暮雲篇 = = 真係可笑！另一方面，呢一隻 Game 應該都係我人生第一次真正出錢買嘅一隻單人遊戲 =P 但我覺我係 200% 值得嫁！

　　有人話宜家啲電腦遊戲係新不如舊，啲舊 Game 往往可以令人一玩再玩，再三回味。而新 Game 只係賣畫面，係咁宣傳畫面幾靚幾靚，往往忽略左遊戲嘅趣味性。呢一個諗法，曾幾何時亦存於我心，但直到今日，呢個諗法已經被軒轅劍伍打破啦。

　　過去，我一直覺得係我玩過咁多 RPG Game 入面，軒轅劍參外傳天之痕嘅地位係近乎神。對於天之痕我都唔知重玩過幾多次啦！由玉兒嘅死，到小雪嘅犧牲，加上凄美嘅音樂，呢一隻 Game 已經深深係每一個玩過軒轅劍嘅人心入面留下烙印。十年過去，對入面每一個故事情節仍然清晰可見。原本以為冇可能有遊戲超越到天之痕嘅神級地位嘅時候，軒轅劍伍就出左啦。

　　記得開始玩軒轅劍伍時其實覺得冇乜特別，亦係一隻普通 Game … 故事設定係山海界，同過往一樣係打怪物、升 Level，睇動畫。一切故事都係圍繞住一個冇乜個性嘅主角 … 然後睇住佢地點樣拯救呢一個受盡「溫室效應」影響住嘅世界，最後打敗最終「魔王」天女魃。再睇住暮雲為左比天女明白當日黃帝將愛人天女封鎖於山海界時個心係幾痛，決定犧牲自己而變返軒轅劍，比天女見到劍身上嘅刻字 … 故事到尾聲時先有些少感動位 …

　　去到軒轅劍伍外傳漢之雲，故事主角變左三國時蜀國一個秘密愛國組織「飛羽」嘅隊長──朝雲 ..故事去到中間都有唔少感動位嘅，例如見到本來周瑜係孫權軍師，,但卻為左愛情，決定詐敗於諸葛亮而同巫山仙子私奔 … ( 唔要大喬 !? ) 另外，遊戲到左後期亦開始令人反思諸葛亮到底係唔係真係咁神 … 朝雲聽左被救返生嘅趙雲講嘅野後，明白到屢次北伐其實對蜀國造成左巨大負擔，國力亦已大不如建國之初，因此決定去說服諸葛亮比蜀國休養生息，但可惜諸葛亮為報劉備嘅知遇之恩，對於北伐一事堅持已見。另一方面，秘密組織其中一人竟然係仙子，年輕時仲要同諸葛亮拍過拖添，因為諸葛亮感到同名士之女黃月英結婚會更有利於自己嘅前途，因此決定同呢個女仔分手 … 但臨分手時，諸葛亮曾吩咐呢個女仔，如果他朝佢做出對蒼生有害之事時，務必要殺左佢 … 此時，呢對愛侶重逢，諸葛亮明白自己對劉備嘅承諾已經為人民帶來災禍，決定要呢個女仔返去命令飛羽暗殺自己 … 最後，飛羽係對諸葛亮落手時，一個除左髮色以外都同朝雲完全一樣嘅暮雲出現，更奇怪嘅係暮雲明明係效忠於魏國，但竟然保護諸葛亮 … 可惜，最後因朝雲同暮雲戰鬥時嘅劍氣大強，唔小心都係殺左諸葛亮 … 大結局係朝雲同暮雲合左體 = =”之後仲出發去左山海界救天女媽媽 … 漢之雲嘅劇情一定比正傳好得多，但 … 故事氣氛真係太沉重啦，令好多人玩玩下都覺得好似有啲係大時代嘅感覺 =(

　　最後終於黎到軒轅劍伍外傳雲之遙。今次主角係魏國名將張郃嘅入室弟子 ── 暮雲 … 其實一開始玩時真係覺得冇乜野特別，故事主要係圍繞住佢同佢幾好青梅竹馬嘅好友 ── 張誥、蘭茵之間嘅事 …另外亦因自己同魏皇係結拜兄弟，所以一直都好努力咁幫魏國做事 … 但最後張誥因為中蜀人嘅計，以為暮雲出左事，前去營救時被蜀人殺死 … 令暮雲憎死蜀國人。暮雲為左報仇不單殺死仇人兩夫婦，仲差啲連佢地個仔都殺埋 … 呢一對夫婦嘅好友因得知暮雲嘅事，又走去搵暮雲報仇 … 冤冤相報何時了？暮雲今次終於明白到呢個道理，放過左呢個人 … 故事亦都呢度就完左 … 雲之遙玩落真係好普通！但呢個係雲之遙嘅全部嗎？不！原來仲有另外三個篇章 … 而呢三個篇章正正就講解晒軒轅劍五入面所有伏筆，完整了軒轅劍五。


↑雲之遙－蘭茵篇宣傳動畫

　　去到最後嘅蘭茵篇，對於暮雲嘅身世、過去，對於蘭茵倆姊妹的來歷一切一切都慢慢明白了。玩左原來雲之遞要加上外傳先叫得上真正的雲之遙。哈，或者呢個就叫一雞三味啦！=P 對國家之情；對百姓之情；對恩人之情；對父母之情；對男女之情；對子女之情；對姊妹之情；朋友之情 …… 情，就係軒轅劍嘅中心。

　　一隻好嘅遊戲畫面質素雖然係重要，但故事內容、遊戲系統亦不可少！就好比小說唔會因為冇精美嘅圖片而冇人買。今次雲之遙我真係好滿意！記得軒轅劍參外傳係最後一隻以 2D 水墨畫做背景嘅軒轅劍，當時 2D 技術已經係發展得唔錯，過後好多年都有唔少玩家好懷念十年前軒轅劍參外傳嘅 2D 水墨畫嘅風格。出到軒轅劍肆開始第一次用到 3D 技術，然而我個人真係覺得頂佢唔順！啲人塊面起晒角點睇得落眼呀！？但軒轅劍肆外傳、軒轅劍伍、軒轅劍伍外傳中，3D 技術嘅應用一次比一次嫻熟，到左雲之遙更加應用左插畫黎講解某啲故事。3D 技術真係越睇越養眼 =) 仲有一段段 CG 片段，都令人非常刻骨銘心！一隻好嘅 RPG 遊戲，必須要讓玩家玩完之後過左好耐都可能記得整個故事，呢一點，軒轅劍伍做到了。

　　今時今日 Online Game 盛行，回憶返我第一隻玩嘅 Online Game 其實已與今時今日嘅 Online Game 大有不同。Online Game 嘅出現，係為左等玩家唔洗得自己一個人打機咁悶，可以同唔同嘅人一齊玩，一齊升 Level，升 Level 途中亦可以傾下計，傾下心得，同時亦可以同唔同嘅玩家鬥高 lv，網絡世界好大，但網絡遊戲就使人同人嘅距離拉近。係一個只有 ICQ 嘅時代，對於一個當時我未有 ICQ account 嘅我黎講，魔力寶貝係我嘅另頖 ICQ。

　　但近十年後，隻隻 Game 都係 Online Game，隻隻 Game 都係 3D，個個玩家都係靠外掛玩，原地練功，你有你練，我有我練嘅時候，Online Game 仲係 Online Game 咩？當一個個玩家都係頖似 NPC 嘅物體，當你叫極人都冇人應嘅時候，當你買野賣野都係 Set 做自動交易嘅時候，其實咁仲係唔係你當初玩 Online Game 嘅目的呢？遊戲公司生存係一個盜版氾濫嘅年代，單人遊戲一出已經被人制成盜版，正版 Game 賣 $150，盜版只賣 $20，遊戲公司仲點挨？Nature Selection，佢地只有將電腦遊戲進化成 Online Game，迫玩家買一條條 Key 先可以生存 … 其實講到呢被真係有啲無奈。

　　最後，相信軒轅劍伍外傳雲之遙將會係最後一代嘅軒轅劍啦，軒轅劍嘅神話，或者將只留傳係每一位玩過軒轅劍嘅玩家心中。

　　最後送上《軒轅劍外傳：雲之遙》主題曲「淚狂奔」





　　哈！可能今次文章真係太長添 -.- 打左好耐！

Tag By Andrew Lee =)

[ 最近喜歡 ] ...
1. 最近喜歡的人：冇 =.="
2. 最近喜歡的食物：Dryers 雪糕
3. 最近喜歡的飲品：蜂密雪梨茶
4. 最近喜歡的電影：我的野蠻女友 (一向都好鐘意)
5. 最近喜歡的歌曲：I will survive
6. 最近喜歡的運動：冇 - v-"
7. 最近喜歡的地方：我諗唔到 -.-""
8. 最近喜歡的事情：食雪糕 -.-"
9. 最近喜歡的朋友：冇=)
10. 最近喜歡的品牌：Agnes b
11. 最近喜歡的課堂：唔洗上堂啦 =v=" 
12. 最近喜歡的coffee：一年都未必飲一次 =.=
13. 最近喜歡的衣服顏色：白色
14. 最近喜歡外出的地方：apm 淘大-.-"
15. 最近喜歡獨自一人嗎：一般
16. 最近喜歡到M記還是KFC：一定係 KFC
    　
[ 你試過 ] ...
17. 你試過因為一個人哭嗎？：我喊從來係因為他人 = =
18. 你試過傷害別人嗎：有 =.="
19. 你試過玩弄感情嗎：冇 .. 先冇咁無聊
20. 你試過愛上朋友的戀人嗎：我事前都唔知 aa 同 bb 一齊左嫁 = =
21. 你試過講大話嗎：試過
22. 你試過跟不喜歡的人談戀愛嗎：試過
23. 你試過心碎嗎？：碎晒啦 !! = = 2 次姐都係 .. 
24. 你試過愛一個人愛得很深嗎：點會未試過 .. ? 
25. 你試過暗戀別人嗎：試過
26. 你試過怕愛上別人嗎：最後變變左超級愛佢 =(
27. 你試過比人暗戀你嗎：試過
    　
 [ 你喜歡 ] ... 
28. 喜歡貓或狗：狗狗 .. 特別係金毛尋回犬 =)
29. 喜歡老鼠或４腳蛇：冇咩所謂 =.=
30. 喜歡可樂或是雪碧：2 隻我都好少飲
31. 喜歡被吻的地方：頸 - v- ~
32. 喜歡被抱嗎：鐘意
33. 喜歡什麼水果：提子 .. 因為提子代表住某某人 =p
34. 喜歡的天氣：天朗氣青
35. 喜歡的國家：奧地利
36. 喜歡的明星：關心妍
37. 喜歡的 Designer：冇 =)
38. 喜歡的球星：冇 =)
39. 喜歡的 NBA球星：冇 =)
40. 喜歡的藝人：明星同藝人有咩分別?
41. 喜歡的品牌：Agnes b
42. 喜歡的日文歌：手紙（給自己的信 原曲）
43. 喜歡打日記或寫日記：打日記
44. 喜歡男生或女生：收皮啦 = = 夠了解我o既人都知 =v="
45. 喜歡什麼類型的男或女生：做朋友就乜都得 =)
46. 喜歡牛奶嗎：一般般.. 細個就好鐘意飲.. 大大下鐘意牛奶味嘅食物多啲
47. 喜歡戀人對你說什麼：超想佢同我講「其實我一直都好鐘意好鐘意好鐘意你！」 
48. 喜歡怎樣的戀人：單純同埋靚=p
    　
 [ 誰令你 ] ... 
49. 誰會把你弄哭：係我鐘意嘅人都可以 =.=
50. 誰可以令你開心：好多人都得 =v=
51. 誰曾經令你改變：好多個 -.-" 計計埋埋有十個左右
52. 誰令你覺得煩厭：屋企人 =.=
53. 誰令你放下尊嚴：同學 =((
54. 誰令你放棄自己：愛人 -v-"
55. 你的最長一段愛情：年半
56. 你的最短一段愛情：我都唔知喎 -.-"
57. 你的最愛是誰：?? 你估下 @@ ( 其實我身邊啲朋友都知 =.= 我好專一嫁 !! )
58. 你最懷念的一個吻：寒風之下果一個 =)
59. 你最懷念的抱抱：寒風之下果一個 =)
60. 你最不想失去的一段愛情：冇 =.=" 分得手即係我唔愛佢 =.=
61. 你最想要一個怎樣的戀人：一個可以令我日夜掛住嘅人 ...
62. 你是一個執著的人嗎： 間唔中
63. 你自我中心嗎：NOPE!
64. 你會幫助別人嗎：間唔中 =.=" 有時見到啲人落難我會偷笑 =0="
65. 你是好的情人嗎：我相信我係 =)
66. 你是一個好的聆聽者嗎：睇下我有冇興趣先啦 .. 同埋要視乎對方係邊個囉!
67. 你會為戀人而跟朋友吵架嗎：唔會 -.-" 有愛人冇朋友 =((
68. 你暗戀別人時，會告訴別人嗎：會
69. 你相信會有一生一世的愛情嗎：唔信 ..... 但我相信我可以成為人地嘅一生一世
    　
[ 你的朋友 ] ...  
70. 你最信任的是誰：自己
71. 你最搞笑的朋友是誰：諗唔到 -.-"
72. 你最白痴的朋友：我自己 = =""
73. 你最肥的朋友：唔想講==" 唔想 HURT人
74. 你最瘦的朋友: 又係諗唔到-.-
75. 你跟誰番學：自己一個
76. 最信你的朋友：唔知=="
77. 識得最耐既朋友：我 Daddy 仔 =v=" 識左成 7 年囉咩事 !!
78. 呢排有咩係最搞笑：冇 - -
79. 最清楚你的朋友：= = ??? 唔知
80. 你最有錢的朋友：程進 -.-"
81. 你最記得邊個朋友電話：我個初戀戀人 .. 我知我一世都會記住果個電話號碼
    　
 [ 你最後的 ] ...   
82. 你最後接誰的電話：唔記得左
83. 你最後打給誰：唔記得左
84. 你最後吃了什麼：粥
85. 你最後飲了什麼：水
86. 你最後見到誰：呀ma
87. 你最後跟誰出街：唔記得左 -,-" 去考試就知 -.-
88. 你最後因為咩大笑： 睇 youtube= =
89. 你最後買既野：KFC =.="""
90. 最後把你弄哭的是誰：返左英國果個 =P
91. 你最後 MSN跟誰說話：TAKI
92. 你最後 Send ｍessage給誰：TAKI
93. 你最後收到的 Message：我唔彩你
94. 你最後一個 Voice ｍail：不嬲冇 ~
95. 你最後聽的歌：I will survive
96. 你最後想起的是誰：返左英國果個 ... 晚晚最少諗幾十次 =.= 
97. 你最後講的粗口：收皮啦你 ! =.=
    　
 [ 你最想 ] ... 
98. 你最想吃什麼：放題 - v-"
99. 你最想跟誰在一起：都係得果個人嫁姐 =(
100. 你最想去哪裡：想去多次迪迪尼 .. 或者英國 =)
101. 你最想忘記的事：冇 =)
102. 你最想跟誰見面：英國果個 =)
103. 你最想做什麼：去Library = =
104. 你最想買的東西：我講過我一定會買 IPhone 4G !!
105. 你最想得到什麼：最勁嘅 Notebook
106. 你最想扔掉什麼：中六七啲書 .. 但唔扔得 =.= 因為要賣錢 !! =0=
107. 你最想吃的雪糕：朱古力曲奇
108. 你最想看的電影：生化危險 5
     　
 [ 你 ] ... 
109. 你最喜歡什麼顏色：天藍色
110. 你的戀人是誰：單戀就有 =((
111. 你一天用多少時間睡覺：7-8 個鐘 - v- 以前返學就得 3-4個鐘 =((
112. 你一天用多少時間看電視：好耐冇睇啦，今晚開始睇先 =3=
113. 你一天用多少時間講電話：好唔定 -.-" 有時可以 4, 5 個鐘, 有時一秒都冇!
114. 你一天用多少時間玩電腦：呢兩日係全日 =.=
115. 你一天用多少時間出街: 又係好唔定 =.= 想出先會出
116. 你經常跟誰講電話：冇 =) 多數 MSN 玩 cam
117. 你最討厭別人對你做什麼：出賣我 =(
118. 你有沒有做一些後悔的事：F5 以前就有 .. 之後一件都冇啦 =)
119. 你最憎自己什麼：冇 =) 我好愛自己
120. 你遇過最傷心的事：唔想諗 ... =(
121. 你最掛住：返左英國果個 =) 
122. 你有沒有暗戀對象：有 =)
123. 你的暗戀對象知道你暗戀他嗎：知掛 @@
124. 你會把唔開心掩飾起來嗎：唔會 ~ 對住同學先會做呢啲蠢事 =.=
125. 你會用什麼動物比喻自己：諗唔到 -,-
126. 你會用什麼詞語形容自己： 充滿希望嘅人
127. 你感到孤獨時會做什麼：聽歌, MSN
128. 你會跟別人分享你的快樂嗎：會
129. 你最貴的一對鞋是：Addias
130. 你最貴的一件衫是：Password 果件嬲
131. 你最貴的袋是：Gucci = ="
132. 你 Save 左幾多人電話：點記得-.-" 
133. 你的床上有什麼：冇 .. 枕頭囉 =.= 
134. 你會發脾氣嗎：好少 =p 發果時都唔會比人知 ~
135. 你的短期目標：讀經濟學 ..
136. 你的長期目標：搵齊班 Friends 搞生意 =)
137. 現在時間：13:24
138. 你用了多少時間完成：冇興趣
139. 是誰 Send 給你: Andrew Lee

為預科畫上句號

　　終於考完晒所有嘅筆試科啦 >﹏<！終於到兩年預科生活畫上句號啦！！！Pure Maths、Applied Maths、Physics 我終於可以同你地講再見啦 !!!

　　最後一科筆試 Physics 就係昏暗及滂沱大雨嘅天氣下考完啦。心情就好似天氣咁，一開始時就擔擔心心咁，好驚啲題目自己唔識得做 ... 然後到下晝，做完 MC 後個人輕鬆晒！一直以來嘅擔憂因為筆試嘅結束而一去不回！或者，讀書就係為左呢一刻咁暢快嘅感覺。

　　呢幾份就係今年 AL 嘅試卷。好好笑，原來人生讀嘅十三年書就係為左應付呢幾份野。讀完之後，乜野物理、純數或者從此我地唔會再有機會接觸到。兒時嘅生活就係被考試制度強姦了。更可悲嘅係，有家長見到子女成績未如理想，就以武力、語言教訓，令子女身心受傷，而呢幾份嘅試卷就係悲劇嘅罪魁，十幾萬考生，最後只有萬多人可以戰勝呢幾份考試制度嘅「大佬」。

　　呢咁多份試卷，就係可悲嘅考試制度下嘅聖物。幾年來，一直同一心、修端、杏梅、文理、Chris Wong 等人打交道，背後地幫佢地寫自薦信、評論、Speech等等，閒時又要分析佢地之間對話嘅論點，有時更加會牽涉埋佢地嘅親人，幫佢地寫信氹佢地舅舅比錢佢地開鋪 = =" 讀書，就係為左服務佢地。

　　Lunch 時係商場見到嘅巨型史迪仔 =3=" 總算為我苦悶嘅心塗上蜜糖 =)

暗瘡大學問 =.="

哈哈 = = 見到兩眉之間多左「兩」粒大豆豆，等左佢成個星期再加上就算我用埋髮夾夾起啲頭髮係咁查野上去，果兩粒野都冇好轉嘅跡象 ... 今日終於忍唔住去左查佢地嘅來歷 =3=" 但估唔到生暗瘡都有咁多研究 ... = =""

從西醫的方面來解釋：

按青春痘的生成機理，它的發生並不存在青春期與成年期的區別。汗毛孔作為皮脂通道，一旦被皮脂、污漬堵塞，裡面的痤瘡丙酸桿菌就會快速增殖。在它們分解皮脂的過程中產生的游離脂肪酸就是青春痘滋生的溫床，並因此引發炎症。如果說兩者之間有區別，只不過表現在發生部位上，年輕人通常長在面額、眉間和鼻子周圍的「T」形區域；而成年人則多見於兩腮、嘴角、下頜等臉下半部，脖頸處也有零星發生。如果症狀持續惡化，就會泛紅成瘢痕，至於隨年齡自上而下轉移的原因，目前尚不明瞭，成年人的發生原因更加錯綜複雜。

成年人青春痘的原因主要來自於情緒壓抑、生活不規律。如睡眠不足，飲食不周等。臉上長青春痘，長在哪裡，這其中是有玄機在裡頭的。因為青春痘長在哪裡，會反映出依個人的身體健康狀況。長青春痘的部位通常有下列幾個部位：

1. 兩頰：通常是因為腸胃方面有問題，這一方面的機能運作不好。

2. 下巴：睡眠不足或精神狀況不佳，或有婦科方面的問題。

3. 額頭：可能是女性荷爾蒙分泌不足，或是劉海不潔等狀況造成的。

4. 太陽穴附近：主要是細菌感染所造成。

5. 嘴巴四周：主要是因為皮脂非秘過於旺盛，而引發角質阻塞。

從中醫的理論來解釋：

中醫理論認為：血液運行全身，內至五臟六腑，外達皮毛肋骨，血液對各臟腑組織器官起著營養和滋潤的作用。如：「肝受血而能視，足受血而能步，掌受血而能握，指受血而能攝。」血液也是神志活動的主要物質基礎。血液充足，神志清楚，精神充沛，思維敏捷，活動正常。若血虛則可見驚悸、失眠、或視物模糊、四肢麻木，手足、關節活動不利等症狀，皮膚是人體器官的重要組成部分，皮膚同樣需要血液的營養。

位置 1 額頭、下巴、唇周。
表示 即腸胃（消化系統）不佳。
成因 第一類乃進食過多煎炸燥熱、油膩的食物（一般屬實症）；
第二類屬精神緊張，食無定時，消化功能受損（一般屬虛症）。
建議藥方知母三錢、麥冬三錢、生地三錢、牛膝三錢、黃連二錢。
製法 四碗水褒成一碗水，每週兩至三次，本方適用於腸胃濕熱人士，腸胃虛弱者不適用。

位置 2 右頰。
表示 病位在肺及大腸。
成因 大便失調，呼吸系統有問題。

位置 3 左頰。
表示 病位在肝膽。
成因 經常心情不快、情緒憂鬱、煩躁易怒、精神緊張、 鬱鬱寡歡、壓力大（此類女性一般於經期前，酒米或暗瘡會增多）。
建議藥方柴胡三錢、白芍三錢、香附二錢、陳皮二錢、枳實三錢、炙甘草二錢。
製法 四碗水煮成一碗，每週兩至三次。

從玄學的方面來解釋：

痘痘長在

額頭：工作奔波
額頭代表一個人的工作運勢，因此若在此處長出暗瘡的人，代表近期的你工作辛苦，凡事要完成都要比平常多一份的勞力與精神，可謂事倍功半，也因如此，這些日子的你，憂心指數直達滿分。

兩眉之間：操勞過度
生在兩眉之間的暗瘡，代表最近的你在工作上會有許多來自四面八方的阻礙與停滯，也因此你會為了事業而格外的擔心、操勞，身邊的小人也會莫名的增多。建議不妨趁週末二日，外出遊玩，放鬆緊繃已久的壓力。

眉與眼間：變動頗多
此位位在相學中的田宅宮，所以暗瘡長在這裡的人，雖然無關乎運勢的好或者是壞，但代表近期內在工作上會有多次出差機會，住家部份則可能有搬家、裝潢、或家中某些地方有修繕的工程在進行中。

眉毛上：兄弟爭執
眉毛是代表兄弟宮，若在此處長了暗瘡，代表近期與兄弟姐妹之間容易發生爭吵或者是有衝突的產生，另外一方面，也可能是代表你的手足在工作、事業或者是戀情方面的運勢，將會有不好的波折或事件發生。

眼袋：互動不良
此位是面相學中子女宮的所在，所以暗瘡若長在這兒，家中如有兒女者，除了會有溝通互動上的不良問題產生，子女本身與他人也易有感情方面的問題，另外也意味著近期運勢低落的可能性。

眼尾：出現桃花
眼尾長暗瘡，代表近期的你人緣運極佳，且將有桃花出現。因此建議發現此處生出暗瘡的人，得好好趁這段時間，用心去結交認識不同的朋友，或主動出擊追求心中甲意的人，開花結果的機會很大哦。

鼻頭或鼻子兩側：破財提醒
若暗瘡生在鼻頭，代表近期財運不佳，有破財的可能。建議在暗瘡消失前，舉凡賭博、投機的事情都不要做，當然也包含別人向你借錢周轉。

人中：子女磨擦
人中生暗瘡，要注意子女間的互動，容易發生磨擦與溝通不良。也可能是子女運程欠佳，或女性有婦科方疾病，宜多調理身體。

耳朵：思想奇怪
長在此處，近期會有外出開眼界的機會，也可能代表思慮清晰的你，變得鑽牛角尖，處理任何事都要往死胡同裡鑽。

唇邊：腸胃不佳
嘴唇附近生暗瘡，表近期容易跟人發生誤會，或無關緊要的小事也爭執到臉紅脖子粗，另外也突顯了你腸胃欠佳。建議平常說話要謹慎，以免得罪人，亦要留意飲食，注意腸胃健康。

下巴：小心安全
下巴出暗瘡，表示行走或交通方面易有血光之災，建議這段期間不要旅遊，預防平常不會遇到的事故。同時，平日進出時，更要眼觀四方，耳聽八方，集中精神注意交通安全。

臉頰：朋友口角
臉頰的部分是朋友官的所在處，暗瘡生長在這裡的人，代表自己最近會和自己非常非常要好或者是很親密的朋友之間，發生一些口角或是產生不愉快的爭執。

總之，要減少青春痘的生長，還是要養成良好的飲食習慣與規律的生活，如果情況太過嚴重，一定要趕快就醫，請專業醫生或美容師來治療，千萬不可隨便擠壓，否則情況會更加的嚴重。

關於王諾希 =p

1. 我係十八歲時改左新名 ── 王諾希，諾係解諾言同埋快樂，希就係解希望！呢個名嘅出現，不但係因為我唔鐘意個舊名 - - 同時，我亦以呢個名黎提示住自己對某人嘅承諾。呢個名我用左年幾時間先決定到嫁，所以希望即使係知我舊名嘅人都尊重下我，叫我新名啦！
　
2. 我有好多個夢想，細細個嘅夢想係做發明家，然後就係科學家，到左小五我就希望做物理學家 .. 呢個夢想一直維持到中四 .. 之後人大左，學識實際 ... 宜家我的夢想係以我有限的力量，幫到最多的人 ... 或者 .. 政治家會係我最後嘅選擇。
　
3. 我係一個幾注重外表嘅人，雖然我冇 = = 因為外表係一封推薦信，無論你有冇才能都好，外表往往係比人嘅第一印象。我成日都覺得，如果一個好叻嘅人，配合外表，就會變成一個好有能力嘅人，就好似Obama、普京一樣。
　
4. 我一生人最大嘅遺憾係令到一個我好愛嘅人驚左我。呢一個遺憾就算再過幾多年都好，都仍會存在。呢一個人影響左我一生，將我嘅命運徹底改變，奈何我無能力改變佢，我睇住佢墮落我都束手無策，最後出左事，比人捉左去坐囚，我都做唔到任何野。
　
5. 我人生經歷過好多開心的事 =v=" 大部份都係關於自己心愛嘅人 =0=" 而我呢一生人最開心嘅係一日係 2009 年嘅 12 月 31 日。呢一日，我真正嘅體會到咩叫做愛情。係嚴寒嘅山頂同最深愛嘅人相擁一齊取暖，期盼新一年嘅到來 ... 世界最美好嘅一刻，絕對就係呢一瞬間。我人生，絕對唔會忘記果一日所發生嘅每一件事。
　
6. 係我細細個時，有一齣電視劇叫小寶與康熙，當中飾演呀珂嘅朱茵就係最令我著迷的人。樣靚，對愛情亦好專一，為人又單純，又相信愛情係最美好的。同時又對自己愛嘅人忠貞不二... 呢一d人，係唯一可以令我愛上的...
　
7. 我最鐘意嘅電影係《我的野蠻女友》。點解我咁鐘意呢一齣電影？因為呢一套係唯一一套電影係我睇咁多次，喊咁多次。故事中嘅男主角不經意地深深愛上女主角，就連個男主角自己都冇留意到 ... 直到最後要決擇的嘅候先明白到呢一樣野 ... 次次喊我都係因為見到個男主角講緊要做女主角男友必要做到嘅戒條野，然後女主角知道後深受感動，立即衝左去搵返個男主角 ... 果一 Part 真係好 Touching ==
　
8. 我最鐘意嘅古典音樂係簫邦嘅 Nocturne Op.9 No.1 In Bb；我最鐘意嘅流行音樂係容祖兒嘅習慣失戀。前者嘅曲調優雅，猶如沉醉係一個星空之下嘅靜夜當中，影襯著無人嘅草地、湖泊，就似詩一樣咁幽雅 ... 一邊聽一邊訓一定訓得好甜 =3= ~ 而習慣失戀就一向都係我最愛嘅流行曲，唔知點解，每一次我聽到呢一首歌都會令我覺得心酸。
　
9. 我鐘意嘅顏色有好多，橙色、湖水綠、黑色、銀色...... 但我最鐘意嘅顏色係天藍色。呢一隻顏色比到我自由自在的感覺，好似無邊際一樣...
　
10. 我係第 3 型人格嘅人，有自信、有進取心、鐘意進步、重效率。面對難題時，我相信我可以將難題解決，因為我知道如果連我自己都唔願意相信自己，咁其他人就更加唔會願意相信我。另一方面，冇一樣野可以將我擊敗兩次，因為當我第一次被擊敗，我會盡我所有方法去克服自己嘅弱點。
　
11. 我最鐘意嘅運動係打羽毛球 =3= 記得我中一、二果時我係乜運動都冇玩嫁！打羽毛球都下下撲空 = = 自從識左少文後，佢令我對羽毛球的印象不斷提高，最後羽毛球變成我最愛的運動=3="
　
12. 一生改變過我的人有好多，佢地每一個都令我將自己的某幾個弱點克服，令我更認清自己。佢地分別係曹羨瑜、文嘉達、郭少文、樂天熊、李奕濠、Kaspar、彭程進、王銘鈞、呀賢。如果冇左佢地，我今日的我仲係一個思想簡單嘅中學生。
　
13. 最愛鐘意嘅歌手係關心妍。記得我中一時佢先o岩o岩出道，我太強、放生 ...... 一隻隻都先後成為燴炙人口嘅流行曲。但我記得果時我對關心妍呢個歌手冇好印象。後來認識到佢對音樂嘅真誠，遭無記雪藏後，雖然人氣不再，但仍然為左唱好歌而只做一棲歌手。另一方面，佢不斷學習唱歌，細聽Jade1、Jade2、Jade3 ... Lost and Found、Jade i 。每一個 Album 都有大進步，暫時得佢嘅碟先會令我感覺到隻隻碟嘅水平都係高水平。
　
14. 我最憎被朋友出賣。做得我的朋友我都會願意完全信晒佢，但只要出賣我一次，我就永遠都唔會再同果個人做朋友。
　
15. 唱 k 最驚遇到的唔係爭mic唱 ... 而且個個都點晒女仔歌 - - .... 08 年除夕果一日發生嘅事好令我難忘 ... 我估唔到同一大班人唱k有 3/4 都係女仔歌囉=.= 我完全唱唔到呀 =.=
　
16. 我養過好多寵物嫁=3=" 有雞仔、烏龜、魚魚、雀仔、狗狗、寄居蟹、倉鼠 etc = =

愛。簡單

　　愛是恆久忍耐，又有恩慈； 愛是不嫉妒；愛是不自誇，不張狂，不做害羞的事， 求自己的益處，不輕易發怒，不計算人家的惡，不喜歡不義，只喜歡真理； 凡事包容，凡事相信，凡事盼望，凡事忍耐，凡事要忍耐，愛是永不止息。聖經上對愛就是這樣的描述了出來。

　　生活於一個充滿著紛爭、比較、貪婪的世界裡，人們都希望搵到一段無私的「真愛」。於是，人們就開始盲目的找尋愛情。追求愛情的風氣盛行了，於是人們亦都爭相歌頌愛情，一段段耳熟能詳的情歌亦開始迎運而生。然而，因為人們對愛情太過著緊了，即使伴愛人了些許毛病，亦小事化大，希望幫愛人剔除這些毛病，令愛人變得更適合自己。

　　可是，這樣的愛能長久嗎？用逼迫的手段改變、影響愛人，只會令愛人辛苦，這種辛苦絕對不是人們所渴望的愛情。然而，另一方面，愛情仍然是苦的，這種苦與前面所提及的苦大有不同，因為愛情予人的苦是苦盡甘來的苦，是期待、是掛盼、是懷念、是無私奉獻的苦。

　　「你愛唔愛我？」、「你愛你ｅｘ多啲定我多啲？」、「睇下人地對佢果個幾好？」，生活於一個被競爭決定一切的世界，人們始終離不開競爭，就連愛情亦要比較誰愛誰更多。這是愛嗎？可笑，實在可笑！愛情沒有單位，不似重量、長短可以依據工具量度，所以愛情由一開始已經無法量度。愛情是人心中的感覺，一份需要依靠時間去累積、依靠意外去激發、依靠信念去鞏固，才可以漸漸建立出來的感覺。用短時間建立出來的愛情，只不過是沙造的堡壘，是弱不禁風的。

　　貪婪是人纇的本性，人類總想獨霸世間的財寶、權力、乃至愛人。但是真愛偏偏要與這一人顃的本性對著幹，因為真愛追求的是無私的奉獻，甘願為所愛的人付出無限的時間、心機、乃至生命，一切所做的事亦單純的只為了愛人。 貪婪的人佔有了愛人的生活，令自己成為愛人的全部，這一愛人頓時成為了另一半的寵物。當寵物獨自一個時，總是胡思亂想，總是渴望被愛、被關心，最後就會做出一切使主人注意自己，誰料到，主人覺得煩了，就將寵物拋棄了。難道這是愛情嗎？不！真愛，絕不止於此。

　　真愛是什麼？簡單來說，真愛就是為了令愛人得到幸福。

　　你願意為愛情做傻事嗎？當真愛來到時，人們都失去理智，變得不再計較多少，回歸最單純的兒時。

HKAL Applied Maths

　　今日去左調景嶺考 Applied Maths ... 但今次做呢份卷嘅感覺仲差過以前考 A Maths o既時候 / 3\" 一開始好努力咁說服自己要冷靜，點知越做就越唔對路、越做就越係驚 = =" 考完果時真係覺得好 lost = = 對自己好失望 .. 覺得自己冇可能會咁差的 .. 之後返到去上左 HKDiscuss 先知 Paper 1 d 人仲慘過我 n 倍 -.-" 哈 ! 2010 App Maths .. EAA 玩左野 lu -3-"

　　下一科係物理 ... 今次唔想再衰 ... 話晒物理係我由小學就已經好想讀嘅一科黎 ......

↑係商場搭電梯時見到 @@

↑有冇人知呢座係乜野黎 ???

↑呢間野 d 衫真係幾靚 -.- 本黎冇諗過影..
係為左 Kaspar 先影左佢

生活小事

↑我的文具

↑傳說中無撚無系的毛巾

↑新都城的錦鯉

↑我唔係想影隻傻瓜嫁 =.="

↑尖沙嘴

↑都市中的綠洲

↑噴泉 -.-

↑可愛的鐘樓